နိုင်ငံတကာငွေလွှဲလုပ်ငန်း

ပြည်ပမှ ပြည်တွင်းသို့ငွေလွှဲခြင်း

ပြည်တွင်းသို့ငွေလွှဲဝင်ရောက်ခြင်းဆိုသည်မှာ နိုင်ငံခြားဘဏ်တစ်ခုမှ MOB ဘဏ်သို့ ကုန်သွယ်မှုလုပ်ငန်း ၊ ဝန်ဆောင်မှုလုပ်ငန်း ၊ ရင်းနှီးမြှပ်နှံမှုလုပ်ငန်း ၊ လှည့်ပတ်ရံပုံငွေ ၊ ကုမ္ပဏီအသုံးစရိတ် ၊ ကော်မရှင်ခ ၊ ခရီးသွားလုပ်ငန်း ၊ လစာငွေ ၊ အလှူငွေ နှင့် မတည်ရင်းနှီးငွေ စသည့်ရည်ရွယ်ဖြင့် ငွေလွှဲဝင်ရောက်ခြင်း ဖြစ်ပါသည်။

• အဆိုပါငွေလွှဲမှုများအတွက် ဝန်ဆောင်ခအဖြစ် – ၁၀ (USD, EUR, SGD) ကောက်ခံပါသည်။

လိုအပ်သောစာရွက်စာတမ်းများ

• လျှောက်လွှာ
• ပုံစံ (ဂ)
• ငွေလွှဲပေးပို့လာခြင်းကိစ္စရပ်နှင့် ပတ်သက်သည့်အထောက်အထား

ပြည်ပသို့ငွေလွှဲပို့ခြင်း

ပြည်ပသို့ငွေလွှဲပို့ရာတွင် ကုန်သွယ်မှု မဟုတ်သည့်လုပ်ငန်းအတွက် ဆောင်ရွက်နိုင်ပါသည်။

• ပြည်ပသို့ငွေလွှဲပို့ခြင်းများအတွက် ကော်မရှင်ခအဖြစ် လွှဲပြောင်းသည့် ငွေပမာဏအပေါ်တွင် ဝ.၁၂၅% ဖြင့်တွက်ချက်ကောက်ခံပါသည်။
• အနိမ့်ဆုံးကော်မရှင်ခမှာ ၂၅ (USD,EUR,SGD) ဖြစ်ပါသည်။
• Swift အသုံးပြုခမှာ ၃ (USD,EUR,SGD) ဖြစ်ပါသည်။

လိုအပ်သောစာရွက်စာတမ်းများ

• လျှောက်လွှာ
• ဘဏ်၏ TT လျှောက်လွှာ (Outward TT Application Form)
• ပုံစံ (က)
• ငွေလွှဲခြင်းနှင့် သက်ဆိုင်သည့်အထောက်အထား စာရွက်စာတမ်းများ
• လုံလောက်သည့်ဘဏ်လက်ကျန်ငွေ

WESTERN UNION နှင့်ငွေလွှဲပြောင်းလက်ခံ/ပေးပို့ခြင်းဝန်ဆောင်မှု

မြန်မာအရှေ့တိုင်းဘဏ်သည် Western Union ၏ ငွေလက်ခံခြင်း နှင့် ငွေပေးပို့ခြင်း လုပ်ငန်းစဉ်ကို မြန်မာနိုင်ငံတွင် ပထမဆုံး ဆောင်ရွက်ပေးနိုင်သည့်ဘဏ်ဖြစ်ပါသည်။

• ပြည်ပသို့ငွေလွှဲပေးပို့ခြင်း တစ်ကြိမ်ဆောက်ရွက်ခြင်းအတွက် – USD 25 (သို့) မြန်မာကျပ် ၃၂,၀၀၀ ကောက်ခံပါသည်။

လိုအပ်သောစာရွက်စာတမ်းများ

ပြည်ပမှလွှဲပို့ငွေလက်ခံခြင်း

• မြန်မာနိုင်ငံသားဖြစ်လျှင် မှတ်ပုံတင်မူရင်း ၊ နိုင်ငံခြားသားများဖြစ်လျှင် သက်တမ်းရှိဗီဇာ ၊ ပတ်စပို့စ်မူရင်း
• ငွေလွှဲထိန်းချုပ်မှုနံပါတ်
• ပေးပို့သူအမည်
• ပေးပို့သည့်ငွေပမာဏ
• ပေးပို့သည့်နိုင်ငံအမည် (အမေရိကန် ၊ ကနေဒါ ၊ မက်ဆီကို နိုင်ငံများမှဖြစ်လျှင် မြို့အမည် ၊ ပြည်နယ် အမည်တို့ ပါရှိရပါမည်။)

ပြည်ပသို့ ငွေလွှဲပြောင်းခြင်း

(၁) မိသားစုအားထောက်ပံ့ရန်အတွက်

• မှတ်ပုံတင်မူရင်း
• အလုပ်ခန့်စာ ၊ အလုပ်ရှင်အလုပ်သမား သဘောတူစာချုပ်
• အိမ်ထောင်စုစာရင်း (မြန်မာနိုင်ငံသားဖြစ်လျှင်)

(၂) ခရီးသွားခြင်း စာရိတ်အတွက်

• မှတ်ပုံတင်မူရင်း
• ဟိုတယ်အခန်း ကြိုတင်ယူထားသည့်အထောက်အထား (အခန်းငှားခအပါအဝင်)
• လေယာဉ်လက်မှတ် (အခွန်အပါအဝင်)
• နိုင်ငံရပ်ခြားမှ ဝန်ဆောင်မှုပေးသည့် ကုမ္ပဏီမှ ပေးပို့သည့် ငွေတောင်းခံလွှာ
• အခြားဆက်စပ်သည့်အသုံးစရိတ်တောင်းခံလွှာ

(၃) ပညာသင်စရိတ်အတွက်

• မှတ်ပုံတင်မူရင်း
• ကျောင်းဝင်ကြေး
• ကျောင်းဝင်ခွင့်နှင့်ပတ်သက်သည့် စာရွက်စာတမ်း အထောက်အထား
• အခြားဆက်စပ်သည့် အသုံးစရိတ်တောင်းခံလွှာ

(၄) စာမေးပွဲကြေးအတွက်

• မှတ်ပုံတင်မူရင်း
• စာမေးပွဲကြေးတောင်းခံလွှာ
• နိုင်ငံခြားမှဝန်ဆောင်မှုပေးသည့်ကုမ္ပဏီမှပေးသည့်ကုန်ကျငွေစာရင်း

(၅) ဆွေးနွေးပွဲ ၊ အစည်းအဝေး ၊ အခမ်းအနားတက်ရောက်ရန် ငွေပေးသွင်းခြင်းအတွက်

• မှတ်ပုံတင်မူရင်း
• အစည်းအဝေး ၊ ဆွေးနွေးပွဲ ၊ အလုပ်ရုံဆွေးနွေးပွဲသို့ တက်ရောက်သည့် ငွေကြေးတောင်းခံလွှာ
• အခြားဆက်စပ်သည့်အသုံးစရိတ်တောင်းခံလွှာ

(၆) ကျန်းမာရေးကုသစရိတ်

• မှတ်ပုံတင်မူရင်း
• ဆေးရုံပြရန်ရက်ချိန်းယူထားသည့်စာရွက်စာတမ်း
• နိုင်ငံရပ်ခြားမှ ဝန်ဆောင်မှုပေးသည့် ကုမ္ပဏီမှ ပေးပို့သောငွေတောင်းခံလွှာ
• ခန့်မှန်းကုန်ကျငွေစာရင်း

(၇) လှူဒါန်းငွေများအတွက်

• မှတ်ပုံတင်မူရင်း
• သာသနာရေးဝန်ကြီးဌာနမှ ခွင့်ပြုစာ
• လှူဒါန်းငွေနှင့်ပတ်သက်သည့်စာရွက်စာတမ်းများ

(၈) အမွေခံစားခွင့်/အိမ်ခြံမြေ

• မှတ်ပုံတင်မူရင်း
• သက်ဆိုင်သည့်စာရွက်စာတမ်းများ
• အမွေဆက်ခံခွင့် ၊ အိမ်ခြံမြေနှင့်ပတ်သက်သည့် အခြားစာရွက်စာတမ်းများ

MOB & DBS အွန်လိုင်းမှ တဆင့်ငွေပေးချေမှုဝန်ဆောင်မှုလုပ်ငန်း

မြန်မာအရှေ့တိုင်းဘဏ်လီမိတက်သည် DBS online bill payment ဝန်ဆောင်မှုလုပ်ငန်းအား ဆောင်ရွက်ပေး ပါသည်။

DBS စာရင်းမှငွေပေးပို့ခြင်း

• dbs.com.sg မှ DBS ibanking သို့ Login ပြုလုပ်ရပါမည်။
• Bill payment သို့ဝင်ရောက်ပြီး MOB ၌ရှိသော ငွေလက်ခံမည့်သူ၏ Bank Account Number အားထည့် သွင်းပေးပို့ရပါမည်။

ငွေလက်ခံခြင်း

• ငွေလက်ခံမည့်သူသည် MOB (HeadOffice) ၏ နေ့စဉ်နိုင်ငံခြားငွေလှဲလှယ်နှုန်းထားအား အခြေခံ၍ မြန်မာကျပ် (သို့) SGD ငွေးကြေးကို ငွေလွှဲသည့်နေ့မှစ၍ ဘဏ်ဖွင့်ရက်နောက် (၁) ရက်တွင် Bank Account (HO) ထဲသို့ ငွေလက်ခံရရှိမည်ဖြစ်ပါသည်။

အထွေထွေလိုအပ်ချက်များ

• မြန်မာကျပ်ငွေစာရင်း (သို့) နိုင်ငံခြားငွေစာရင်း (USD/EUR/SGD) စာရင်းအား MOB ဘဏ်တွင် စာရင်း ဖွင့်ရန်လိုပါသည်။
• တစ်နေ့လျှင် အများဆုံးလက်ခံနိုင်သည့်ငွေကြေးမှာ စင်္ကာပူဒေါ်လာ ၅၀၀၀ ဖြစ်ပါသည်။

CORRESPONDENT BANK LIST